Tímabundið er mönnun lækna og hjúkrunarfræðinga við stöðina í lágmarki. Það þýðir að við þurfum að forgangsraða og getum ekki veitt sömu þjónustu og venjulega.
Þegar við fáum beiðnir um þjónustu vinnur teymi lækna og hjúkrunarfræðinga með stuðningi annarra fagstétta að eins farsælli lausn og hægt er að bjóða miðað við aðstæður. Eins og er getum við ekki boðið skjólstæðingum okkar að hafa sinn eigin heimilislækni.
Þú getur séð hvaða stöð er þín á Mínum síðum Heilsuveru og í Réttindagátt sjúkratrygginga.
Þú getur skráð þig á heilsugæslustöð að eigin vali í Réttindagátt eða á stöðinni sjálfri.
Öllum er velkomið á skrá sig á stöðina og við tökum vel á móti þér.
Óskað er eftir lyfjaendurnýjun á mínum síðum Heilsuveru.
Líka er hægt að óska eftir endurnýjun gegnum síma ef ekki gengur að nota Heilsuveru. Lyfjasíminn er 513-5352, frá kl. 9.00 til 15:00.
Þú getur óskað eftir tíma hjá lækni með því að senda skilaboð á mínum síðum Heilsuveru. Í skilaboðunum þarf erindið að koma fram.
Einnig er hægt að panta símatíma hjá hjúkrunarfræðingum stöðvarinnar.
Ef um er að ræða bráð veikindi eða slys þá er skyndimóttaka opin alla virka daga á milli kl. 8:00 og 17.00.
Fyrir almennar fyrirspurnir varðandi heilsufar og þjónustu Heilsugæslu höfuðborgarsvæðisins bendum við á netspjall Heilsuveru eða 1700 símann.
Ef erindið varðar þjónustu stöðvarinnar beint er hægt að panta símtal við hjúkrunarfræðing sem kemur erindi þínu í farveg eða leiðbeinir með önnur úrræði.
Blóðsýni eru tekin milli kl. 8:35 og 10:05 alla virka daga.
Bóka þarf tíma í blóðtöku og alltaf þarf beiðni frá lækni að liggja fyrir.
Tímabókun og nánari upplýsingar í síma 513-5350.
Þvagsýni þurfa að berast fyrir kl. 11:00.
Best er að koma með fyrsta morgunþvag (miðbunuþvag) nema annað hafi verið tekið fram.
Hægt er að senda gögn með öruggum hætti til Heilsugæslunnar Efstaleiti með Signet transfer. Nauðsynlegt er að hafa rafræn skilríki. Hlekkur í örugg gagnaskil
Nánari upplýsingar um stöðina og þjónustu hennar eru í flipunum hér fyrir ofan: Læknisþjónusta, Hjúkrunarþjónusta, Heilsuvernd, Sálfræðiþjónusta, Annað og Um stöðina.
Heilsugæslan Efstaleiti þjónar fyrst og fremst íbúum svæðis sem afmarkast af Miklubraut í norðri, Fossvogi í suðri, Kringlumýrarbraut í vestri og Reykjanesbraut í austri. Skráning er í gegnum mínar síður á island.is.
.jpg)
.jpg)
Það eru nokkrar leiðir að þjónustu læknanna okkar. Hvaða leið hentar þér best?
Heimilislæknar á stöðinni eru með bókaða viðtalstíma á dagvinnutíma.
Þú óskar eftir viðtalstíma með því að hringja á stöðina eða okkur erindið í gegnum samskipti á Heilsuveru.
Heimilislæknar og hjúkrunarfræðingar stöðvarinnar vinna saman með afmarkaðan skjólstæðingahóp í teymisvinnu
Hjúkrunarfræðingar hvers teymis hafa símatíma, frá kl. 8:00 til 11:30. Ef þörf krefur er símtölum einnig vísað á viðkomandi heimilislækni
Oft er þægilegra að senda stuttar fyrirspurnir í gegnum í mínar síður í Heilsuveru.
Hægt er að óska eftir lyfjaendurnýjun rafrænt eða í síma. Þar er hægt að endurnýja lyf sem tekin eru að staðaldri og ávísað hefur verið af læknum stöðvarinnar.
Rafræn lyfjaendurnýjun
Einfaldast er að óska eftir lyfjaendurnýjun á Heilsuvera.is. Þú þarft að hafa rafræn skilríki.
Lyfjaendurnýjun í síma
Lyfjaendurnýjun er virka daga frá kl. 9:00 til 15:00 í síma 513-5352. Ritarar taka við beiðnum um endurnýjun.
Hjá okkur starfa sérfræðingar í heimilislækningum, almennir læknar og sérnámslæknar.
Þetta eru læknarnir í Efstaleiti:
1700 síminn og netspjall Heilsuveru veita ráðgjöf og geta komið erindum í farveg milli kl. 8 og 17.
1700 síminn er opinn allan sólarhringinn. Netspjall Heilsuveru er opið frá kl. 8 til 22.
Skyndimóttaka fyrir smáslys og bráð veikindi
Öllum erindum sem koma á vaktina er sinnt, annaðhvort með því að veita þjónustuna á staðnum eða vísa í þann farveg sem við á í hverju tilviki.
Bókuð móttaka
Einnig er hægt að bóka tíma í móttöku hjúkrunarfræðinga.
Til dæmis fyrir sáraskiptingar og bólusetningar o.fl.
Lestu meira um opna móttöku heilsugæslustöðva
Við fylgjumst með heilsu og þroska frá móðurkviði til unglingsára í mæðravernd, ung- og smábarnavernd og heilsuvernd skólabarna.
Á fullorðinsárum bjóðum við aðstoð við heilsueflingu með ráðgjöf, eftirliti og bólusetningum og heilsuvernd sem er ætluð eldri borgurum.
Heilsuverndin hefst á mæðravernd.
Mæðraverndarþjónustan er ókeypis og verðandi mæður geta annað hvort farið á heilsugæslustöð í sínu hverfi eða valið aðra stöð og skráð sig á hana.
Viðtöl og skoðanir eru í boði frá upphafi meðgöngu og fram að fæðingu. Fyrsta viðtal við ljósmóður er gjarnan í síma fljótlega eftir að þungun er staðfest. Fjöldi mæðraskoðana fer svo eftir aðstæðum, oftast 7-10 skipti. Milli skoðana er hægt að fá símaráðgjöf hjá ljósmóður.
Ung- og smábarnavernd tekur við af mæðravernd þegar fjölskyldan kemur heim og heimaþjónustu ljósmæðra lýkur.
Fyrstu vikurnar eftir fæðingu fara hjúkrunarfræðingar stöðvarinnar í vitjanir heim til fjölskyldunnar. Foreldrar eru því beðnir um að hafa samband við hjúkrunarfræðing fljótlega eftir að heim er komið. Fyrsta læknisskoðun á heilsugæslustöðinni er svo við 6 vikna aldur.
Síðan eru reglubundnar skoðanir hjá hjúkrunarfræðingi og lækni til skólaaldurs. Þá fylgjumst við með vexti og þroska barnanna og bólusetjum. Í skoðunum ráðleggjum við m.a. um brjóstagjöf, svefnvandamál, aga og uppeldi, mataræði og slysavarnir. Auk þess er alltaf hægt að fá samband við hjúkrunarfræðing ef spurningar vakna varðandi barnið.
Heilsuvernd skólabarna tekur við þegar ung- og smábarnavernd lýkur.
Hjúkrunarfræðingar og læknar á heilsugæslustöðinni sjá um heilsuvernd skólabarna í þessum skólum:
Hægt er að fá símasamband við skólahjúkrunarfræðingana í gegnum skiptiborð skólanna.
Heilsuverndin tekst á við heilsuáskoranir fullorðinsára í heilsueflandi móttöku.
Þar færð þú stuðning við heilbrigðan lífsstíl með mælingum, ráðgjöf og stuðningi.
Oft kemur heilsueflandi móttaka til aðstoðar í framhaldi af viðtali við lækni en þú getur líka haft samband við hjúkrunarfræðing á stöðinni þinni ef þú þarft á þessari þjónustu að halda.
Við höfum það að leiðarljósi að mæta fólki þar sem það er statt og gera því kleift að búa sem lengst á eigin heimili.
Hafðu samband við okkur og pantaðu viðtal hjá hjúkrunarfræðingi í Heilsuvernd eldra fólks.
Í viðtölum eru m.a. veittar upplýsingar um þá þjónustu sem eldri borgurum stendur til boða í nærsamfélaginu. Við greinum áhættuþætti varðandi heilsufar og ráðleggjum um fyrirbyggjandi aðgerðir og meðhöndlun sjúkdóma svo eldra fólk viðhaldi sem lengst andlegri, líkamlegri og félagslegri færni sinni.
Þeir sem eru 70 ára og eldri eru hvattir til að panta tíma hjá okkur í almennt eftirlit þar sem heimilislæknir fer yfir lyfjalista, mælir blóðþrýsting, blóðsykur og fleira ef þarf.
Ljósmæður og hjúkrunarfræðingar annast sýnatöku fyrir skimun vegna krabbameins í leghálsi.
Skimanir eru á stöðinni fyrir hádegi á föstudögum.
Ef það er komið að þér í skimun má panta tíma á mínum síðum heilsuveru eða með símtali.
Lestu meira um leghálskrabbameinsskimun
Læknar stöðvarinnar vísa til sálfræðinga þannig að fyrsta skrefið er að panta tíma hjá heimilislækni.
Sólveig Hlín Kristjánsdóttir sálfræðingur sinnir meðferð og ráðgjöf fyrir börn og unglinga.
Þorgerður Guðmundsdóttir sálfræðingur sinnir meðferð og ráðgjöf fyrir fullorðna.
Heilsubrú Heilsugæslu höfuðborgarsvæðisins býður upp á hugræna atferlismeðferð (HAM) fyrir fulllorðna.
HAM námskeið í hópi henta mörgum en ekki öllum og því er byrjað á kynningartíma fyrir þau sem hafa áhuga á að fara á HAM námskeið.
Nánari upplýsingar
Hreyfiseðill er meðferðarúrræði við sjúkdómum, sem vitað er að regluleg hreyfing getur haft umtalsverð áhrif á.
Heimilislæknar, hjúkrunarfræðingar og ljósmæður vísa til sjúkraþjálfara. Ef þú heldur að hreyfiseðill henti þér, pantar þú fyrst tíma hjá þínum lækni.
Verkefni lyfjafræðingsins er einkum að fara yfir lyfjalista hjá þeim sem eru á mörgum lyfjum. Markmiðið er að draga úr lyfjatengdum vandamálum.
Heimilislæknar eða hjúkrunarfræðingar vísa til klíníska lyfjafræðingsins. Ef þú heldur að þjónusta lyfjafræðings henti þér, pantar þú fyrst tíma hjá þínum lækni.
Heilsugæslan Efstaleiti þjónar einkum íbúum á svæði sem afmarkast af Fossvogi í suðri, Miklubraut í norðri, Kringlumýrarbraut í vestri og Reykjanesbraut í austri, en allir eru velkomnir á stöðina.
Við veitum samfellda þjónusta með hag einstaklingsins og fjölskyldunnar í huga. Fagleg afstaða er tekin til allra erinda og annað hvort leyst úr þeim eða ráðlagt um önnur úrræði.
Þjónustan byggir á sérþekkingu starfstétta og þverfaglegri samvinnu.
Heilsugæslustöðvum er stýrt af svæðisstjóra.
Fagstjórar lækninga og hjúkrunar leiða faglegt starf.
Allt starfsfólk stöðvarinnar er samkvæmt lögum, ráðningarsamningum og siðareglum heilbrigðisstétta bundið þagnarheiti um allt er varðar hagi þess fólks sem það sinnir.
| Starfsmenn | Starfsheiti | Sími | Netfang |
|---|---|---|---|
| Anna Daníelsdóttir | Heimilislæknir | 513-5350 | |
| Anna Katrín Sverrisdóttir | Sérnámslæknir í heimilislækningum | 513-5350 | |
| Arna Steinarsdóttir | Sjúkraþjálfari | 513-5350 | |
| Arndís Rós Stefánsdóttir | Sérnámslæknir í heimilislækningum | 513-5350 | |
| Áslaug Birna Ólafsdóttir | Svæðisstjóri og fagstjóri hjúkrunar | Í leyfi | |
| Ástríður Jóhanna Jensdóttir | Heilsugæsluritari | 513-5350 | |
| Bergljót Þórðardóttir | Heilsugæsluritari | 513-5350 | |
| Birta Rún Sævarsdóttir | Hjúkrunarfræðingur | 513-5350 | |
| Dagbjört Hulda Guðbjörnsdóttir | Sjúkraliði | 513-5350 | |
| Elín Helga Þórarinsdóttir | Heimilislæknir | 513-5350 | |
| Elínborg Bárðardóttir | Svæðisstjóri og fagstjóri lækninga | 513-5350 | |
| Elsa Sæný Valgeirsdóttir | Sjúkraþjálfari | 513-5350 | |
| Guðrún Fema Ágústsdóttir | Ljósmóðir | 513-5350 | |
| Guðrún Jakobsdóttir | Sérnámslæknir í heimilislækningum | 513-5350 | |
| Gunnhildur Viðarsdóttir | Hjúkrunarfræðingur | 513-5350 | |
| Helga Sól Ólafsdóttir | Leiðtogi félagsráðgjafa | 513-5350 | |
| Hildur Gunnarsdóttir | Hjúkrunarfræðingur | 513-5350 | |
| Hildur Kolbrún Aalen Magnúsdóttir | Móttökuritari | 513-5350 | |
| Ingibjörg Ásta Gunnarsdóttir | Skrifstofustjóri | 513-5350 | |
| Ingibjörg Jóna Halldórsdóttir | Hjúkrunarfræðingur | 513-5350 | |
| Jóhann Ágúst Sigurðsson | Heimilislæknir | 513-5350 | |
| Julian Anthony Charles Smith | Sérnámslæknir í heimilislækningum | 513-5350 | |
| Margrét Guðrún Ásbjarnardóttir | Sérnámslæknir í heimilislækningum | 513-5350 | |
| Martijn K Veenman | Heimilislæknir | 513-5350 | |
| Melkorka Gunnarsdóttir | Hjúkrunarfræðingur | 513-5350 | |
| Pétur Gunnar Sigurðsson | Klínískur lyfjafræðingur | 513-5350 | |
| Rakel Ómarsdóttir | Sjúkraliði | 513-5350 | |
| Sandra Bjarnadóttir | Ljósmóðir | 513-5350 | |
| Sigríður Embla Heiðmarsdóttir | Móttökuritari | 513-5350 | |
| Sólveig Hlín Kristjánsdóttir | Sálfræðingur | 513-5350 | |
| Sólveig Jóhannsdóttir | Fagstjóri hjúkrunar | 513-5350 | |
| Steinar Björnsson | Heimilislæknir | 513-5350 | |
| Þorgerður Guðmundsdóttir | Sálfræðingur | 513-5350 |
.jpg?proc=150x150)
