Heimilislæknar á stöðinni eru með bókaða viðtalstíma á dagvinnutíma.

Þú óskar eftir viðtali með því að hringja á stöðina þar sem erindið er flokkað og vísað í farveg eða bókað í tíma.

Ekki er hægt að bóka tíma í Heilsuveru eins og er. 

Bókað er á síðdegisvaktina samdægurs eftir mat hjúkrunarfræðinga í netspjalli á heilsuvera.is eða síma 1700.

Í símaviðtali svara læknar stuttorðum fyrirspurnum, veita einfaldar ráðleggingar og/eða gefa upplýsingar um niðurstöður rannsókna.

Oft er þægilegra að senda stuttar fyrirspurnir í gegnum í mínar síður í Heilsuveru. Milli kl. 8 og 16 er líka alltaf hægt að fá símasamband við hjúkrunarfræðing í síma 513-6200.

Símaviðtöl við lækna eru pöntuð í síma 513-6200 fyrir kl 11:00 alla virka daga. 

Læknar hringja í uppgefið símanúmer við fyrsta tækifæri.

Skjólstæðingar hringja beint inn.

• Gunnar Þór Jónsson - mánudaga, fimmtudaga og föstudaga kl. 9:30-9:50 í síma 513-6209

Hægt er að óska eftir lyfjaendurnýjun rafrænt eða í síma. Þar er hægt að endurnýja lyf sem tekin eru að staðaldri og ávísað hefur verið af læknum stöðvarinnar.

Venjulega eru þessar lyfjaendurnýjanir tilbúnar til afgreiðslu  í lyfjaverslunum eftir kl. 16:00 sama dag.

Rafræn lyfjaendurnýjun

Einfaldast er að óska eftir lyfjaendurnýjun í Heilsuvera.is. Þú þarft að hafa rafræn skilríki.  

Lyfjaendurnýjun í síma

Tekið er á móti beiðnum um lyfjaendurnýjun frá kl. 9:00-11:00 virka daga í síma 513-6202. Læknar ávísa síðan lyfjum eftir að hafa metið beiðnirnar.

Lestu meira um lyfjaskömmtun, fjölnota lyfseðlar og hvaða lyf er ekki hægt að endurnýja rafrænt eða í gegnum síma

Ef þörf er á veikindavottorði vegna skóla eða vinnu þarf að tilkynna veikindin á heilsugæslustöðina sem fyrst eftir að veikindi hefjast.

Í stuttum veikindum er tekið á móti beiðnum um veikindavottorð vegna skóla eða vinnu í gegnum mínar síður Heilsuveru eða í síma 513-6202 milli kl. 9:00 og 11:30

Hafa skal beint samband við lækni vegna lengri veikinda og annarra vottorða s.s. vinnuveitendavottorða.

Heimilislæknar gera tilvísanir til sérgreinalækna ef þarf vegna mála sem þeir hafa haft aðkomu að.

Þegar farið er til sérgreinalækna vinsamlegast biðjið þá um að senda heimilislækni læknabréf.

• Hvað er gert í mæðravernd í heilsugæslunni?

• Lestu um meðgöngu og fæðingu á Heilsuveru

Ung- og smábarnavernd tekur við af mæðravernd þegar fjölskyldan kemur heim og heimaþjónustu ljósmæðra lýkur.

Fyrstu vikurnar eftir fæðingu fara hjúkrunarfræðingar stöðvarinnar í vitjanir heim til fjölskyldunnar. Foreldrar eru því beðnir um að hafa samband við hjúkrunarfræðing fljótlega eftir að heim er komið. Fyrsta læknisskoðun á heilsugæslustöðinni er svo við 6 vikna aldur.

Síðan eru reglubundnar skoðanir hjá hjúkrunarfræðingi og lækni til skólaaldurs. Þá fylgjumst við með vexti og þroska barnanna og bólusetjum. Í skoðunum ráðleggjum við m.a. um brjóstagjöf, svefnvandamál, aga og uppeldi, matarræði og slysavarnir. Auk þess er alltaf hægt að fá samband við hjúkrunarfræðing ef spurningar vakna varðandi barnið.

• Hvað gerum við í ung-og smábarnavernd?

• Í Heilsuveru er mikið af hjálplegu efni fyrir foreldra

Hjúkrunarfræðingar í ung- og smábarnavernd:

• Ásdís Árnadóttir
• Ásrún Þóra Björnsdóttir - í leyfi
• Hafdís Sigursteinsdóttir
• Helena Þrastardóttir
• Hildur A. Ármannsdóttir
  
• Jóhanna Helga Þorsteinsdóttir
  
• Ólöf Þóra Sveinbjörnsdóttir, ljósmóðir
• Þórunn Erla Ómarsdóttir
  

Svefnráðgjöf barna.

• Hafdís Sigursteinsdóttir

Heilsuvernd skólabarna tekur við þegar ung- og smábarnavernd lýkur.

Skólahjúkrunarfræðingar sjá um heilsuvernd skólabarna á þjónustusvæði stöðvarinnar. 

• Áslandsskóli - Margrét Erla Finnbogadóttir
  
• Grunnskólinn Nú –Helena Þrastardóttir
  
• Hvaleyrarskóli -Emilía Lóa Halldórsdóttir
  
• Lækjarskóli - Margrét Kjartansdóttir
  
• Setbergsskóli - Carolin Guðbjartsdóttir 

Hægt er að fá símasamband við skólahjúkrunarfræðingana í gegnum skiptiborð skólanna.

• Hvað gerum við í heilsuvernd skólabarna?

• Í Heilsuveru er fróðlegt efni fyrir börn, ungmenni og foreldra

Heilsuverndin tekst á við heilsuáskoranir fullorðinsára í heilsueflandi móttöku.

Þar aðstoðum við þig við heilbrigðan lífsstíl með mælingum, ráðgjöf og stuðningi.

Oft kemur heilsueflandi móttaka til aðstoðar í framhaldi af viðtali við lækni en þú getur líka haft samband við hjúkrunarfræðing á stöðinni þinni ef þú þarft á þessari þjónustu að halda. 

Hjúkrunarfræðingar í heilsueflandi móttöku:

• Björk Filipsdóttir
• Kristín G. Sæmundsdóttir
• Þórunn Erla Ómarsdóttir

• Hvað gerum við í Heilsueflandi móttöku?

Við höfum það að leiðarljósi að mæta fólki þar sem það er statt og gera því kleift að búa sem lengst á eigin heimili.

Hafðu samband við okkur og pantaðu viðtal hjá hjúkrunarfræðingi í Heilsuvernd eldra fólks.

• Björk Filipsdóttir hjúkrunarfræðingur
• Helga Þorsteinsdóttir hjúkrunarfræðingur
• Lilja G. Gunnarsdóttir hjúkrunarfræðingur

Í viðtölum eru m.a. veittar upplýsingar um þá þjónustu sem eldri borgurum stendur til boða í nærsamfélaginu. Við greinum áhættuþætti varðandi heilsufar og ráðleggjum um fyrirbyggjandi aðgerðir og meðhöndlun sjúkdóma svo eldra fólk viðhaldi sem lengst andlegri, líkamlegri og félagslegri færni sinni.

Þeir sem eru 70 ára og eldri eru hvattir til að panta tíma hjá okkur í almennt eftirlit þar sem heimilislæknir fer yfir lyfjalista, mælir blóðþrýsting, blóðsykur og fleira ef þarf.

• Hvað gerum við í heilsuvernd eldra fólks?

• Fróðleikur í Heilsuveru um heilsu og líðan eldra fólks