Fyrir hverja?
Þjónustan er fyrir einstaklinga 18 ára og eldri sem greindir eru með geðsjúkdóma og þurfa á þverfaglegri aðstoð ásamt þéttri eftirfylgd að halda.
Tekið er við umsóknum frá starfsmönnum heilbrigðis- og velferðarþjónustu.
Geðheilsuteymi vestur þjónar íbúum á mið og vestursvæði borgarinnar, póstnúmerum 101-108 og 170.
Við tökum vel á móti þér
Hægt er að senda gögn með öruggum hætti til Geðheilsuteymis vestur með Signet transfer. Nauðsynlegt er að hafa rafræn skilríki. Hlekkur í örugg gagnaskil
Um teymið
Geðheilsuteymið er fyrir þá sem þurfa meiri og sérhæfðari þjónustu en er veitt á heilsugæslustöðvum.
Þjónustan er þverfagleg og er veitt með heimavitjunum og viðtölum í húsnæði geðteymisins. Í teyminu starfa hjúkrunarfræðingar, sálfræðingar, geðlæknar, notendafulltrúar, íþróttafræðingur, þjónustufulltrúar, félagsráðgjafar, fjölskyldufræðingur og iðjuþjálfi.
Þjónusta teymanna er heildræn og notendamiðuð og lögð er áhersla á samþætta nálgun. Teymin hafa að leiðarljósi að skoða alla þætti sem hafa áhrif á andlega heilsu.
Einstaklingurinn er í fyrirrúmi, hans óskir, gildi og þarfir.
Stuðst er við gagnreyndar aðferðir og árangur er metinn reglulega. Áhersla er lögð á þróun og þær leiðir í meðferð sem einstaklingurinn þarfnast hverju sinni.
Við hjálpum þér að:
Í boði er:
Áhersla er á samskipti við hinar ýmsu stofnanir, þjónustuaðila og félagasamtök. Unnið er á jafningjagrunni með áherslur þjónustuþega í fyrirrúmi. Í teymunum er lögð áhersla á aðkomu einstaklinga með reynslu af geðrænum erfiðleikum.
Geðheilsuteymin hafa batahugmyndafræðina að leiðarljósi.
Batahugmyndafræðin leggur áherslu á að viðhalda von og skapa betra líf með því að byggja á styrkleikum.
Þessi hugmyndafræði byggir á samvinnu við einstaklinginn, þar sem markmið eru sett í sameiningu og stuðla að sjálfsábyrgð og valdeflingu.
Fyrir hverja er þjónustan?
Hvernig er sótt um þjónustuna?
Tekið er við tilvísunum frá fagfólki í heilbrigðis- og velferðarþjónustu.
Heilbrigðisstarfsfólk sendir tilvísun rafrænt í gegnum Sögu.
Annað fagfólk notar þetta eyðublað.
Mikilvægt er að tilvísun sé vel útfyllt svo hægt sé að taka afstöðu hennar. Ófullnægjandi tilvísun verður endursend.
Fyllið umsóknareyðublað út rafrænt, vistið og sendið í gegnum örugg gagnaskil. Nauðsynlegt er að hafa rafræn skilríki
Ef ekki er hægt að nota gagnaskil, er eyðublaðið fyllt út rafrænt, prentað út og sent í ábyrgðarpósti til Geðheilsuteymis HH vestur, Skúlagötu 21, 101 Reykjavík.
Fyrirspurnir í síma 513-6350
Vinsamlegast farið yfir textann með þeim sem sótt er um fyrir.
Þjónusta geðheilsuteyma Heilsugæslu höfuðborgarsvæðisins og þjónustumiðstöðva Reykjavíkurborgar er samþætt þjónusta með það að leiðarljósi að veita notendum teymanna bestu þjónustu sem völ er á.
Notandi er upplýstur um að sérfræðingar geðheilsuteyma Heilsugæslu höfuðborgarsvæðisins annars vegar og þjónustumiðstöðva Reykjavíkurborgar hins vegar, kunni að afla og varðveita nauðsynlegar upplýsingar um notanda vegna óska um ráðgjöf og/eða þjónustu. Upplýsingar geta meðal annars snert heilsu, félagslega stöðu, persónulegar aðstæður og fjárhag notanda.
Persónuupplýsingar sem Heilsugæsla höfuðborgarsvæðisins og þjónustumiðstöðvar Reykjavíkurborgar afla í tengslum við mál notanda eru varðveittar í samræmi við gildandi lög um persónuvernd og vinnslu persónuupplýsinga.
Starfsmenn Heilsugæslu höfuðborgarsvæðisins og þjónustumiðstöðva Reykjavíkurborgar hafa undirritað þagnareið í samræmi við þau lög er gilda um þjónustuna. Þagnarskyldan helst þótt starfsmaður láti af starfi.
Við þjónustulok er haft samband við þann aðila sem óskaði eftir þjónustu geðteymisins og honum gerð grein fyrir stöðu mála hjá viðkomandi einstaklingi/fjölskyldu.
Geðheilsuteymið byggir á þverfaglegri samvinnu til að veita öflugri þjónustu.
Í teyminu starfa hjúkrunarfræðingar, sálfræðingar, geðlæknar, notendafulltrúar, íþróttafræðingur, þjónustufulltrúar, félagsráðgjafar, fjölskyldufræðingur, iðjuþjálfi og atvinnulífsráðgjafi.
Samsetning fagstétta hverju sinni getur verið mismunandi.
Svæðisstjóri: Hrönn Harðardóttir
Yfirlæknir: Ingólfur Sveinn Ingólfsson
Við viljum vita hvað þér finnst um þjónustu okkar. Þú getur sent okkur tölvupóst eða talað beint við starfsfólkið.
Ábendingar um hvað betur má fara hjálpa okkur að gera enn betur.
| Starfsmenn | Starfsheiti | Sími | Netfang |
|---|---|---|---|
| Anna Sigríður Valdimarsdóttir | Iðjuþjálfi | - | |
| Annetta A. Ingimundardóttir | Fjölskyldufræðingur | 513-6350 | |
| Berglind Bang Óladóttir | Notendafulltrúi | 513-6350 | |
| Berglind Huld Halldórsdóttir | Sérnámshjúkrunarfræðingur | 513-6350 | |
| Elínrós Hrund Þórðardóttir | Félagsráðgjafi | 513-6350 | |
| Elísabet Valsdóttir | Þjónustufulltrúi | 513-6350 | |
| Guðrún Helga Ragnarsdóttir | Hjúkrunarfræðingur | 513-6350 | |
| Guðrún Lilja Jónsdóttir | Hjúkrunarfræðingur | 513-6350 | |
| Guðrún Þórisdóttir | Læknir | 513-6350 | |
| Gyða Dröfn Hjaltadóttir | Sálfræðingur | 513-6350 | |
| Hjördís Árnadóttir | Félagsráðgjafi | 513-6350 | |
| Hrönn Harðardóttir | Svæðisstjóri | 513-6350 | |
| Ingólfur Sveinn Ingólfsson | Yfirlæknir | 513-6350 | |
| Lovísa Guðbrandsdóttir | Hjúkrunarfræðingur | 513-6350 | |
| Margrét Guðmundsdóttir | Sálfræðingur | 513-6350 | |
| Merete Kjeldsen | Hjúkrunarfræðingur | 513-6350 | |
| Ólöf Birna Kristjánsdóttir | Geðhjúkrunarfræðingur | 513-6350 | |
| Salbjörg Bjarnadóttir | Hjúkrunarfræðingur | 513-6350 | |
| Sara Bragadóttir | Skrifstofustjóri | 513-6350 | |
| Sesselja Rán Hjartardóttir | Iðjuþjálfi | 513-6350 | |
| Soffía Ellertsdóttir | Fjölskyldufræðingur | 513-6350 | |
| Sunna Pallé | Félagsráðgjafi | 513-6350 | |
| Tinna Rós Sigurðardóttir | Atferlisfræðingur | 513-6350 | |
| Tómas Hermannsson | Sálfræðingur | 513-6350 | |
| Þórður Sævarsson | Íþrótta- og lýðheilsufræðingur | 513-6350 | |
| Þórhildur Guðjónsdóttir | Sálfræðingur | 513-6350 |
