Svefnnámskeið
Á svefnnámskeiði Heilsubrúar er boðið upp á Hugræna atferlismeðferð við svefnleysi (HAM-S) sem rannsóknir hafa sýnt að er ein árangursríkasta meðferð sem völ er á í dag. Ólíkt svefnlyfjum er HAM-S meðferð sem er án aukaverkana og virkar til lengri tíma
HAM-S námskeið í hópi henta mjög mörgum en ekki öllum og því er boðið upp á kynningartíma fyrir fólk sem hefur áhuga á að fara á fjögurra vikna HAM-S námskeið.
Á námskeiðinu er notast við lesefni, glærukynningar, heimaverkefni og hópumræður.
Námskeiðin er haldið á vegum Heilsubrúar Heilsugæslu höfuðborgarsvæðisins
Leiðbeinandi er Haraldur S. Þorsteinsson sálfræðingur.
Hóptímarnir fara fram Þönglabakka 1, 109 Reykjavík, 2. hæð. (Það er sami inngangur og fyrir Læknasetrið, Gáski sjúkraþjálfun og Tannlæknar Mjódd).
Í hverjum hópi eru að hámarki 15 einstaklingar og hóparnir hittast vikulega í 4 vikur, 90 mínútur í senn.
Námskeiðshópar hittast á miðvikudögum frá kl. 15:00 - 16:30.
Þau sem hafa áhuga á námskeiðinu byrja á því að mæta í kynningartíma þar sem sagt er frá þeim meðferðarúrræðum sem boðið er upp á hjá Heilsubrú.
Þau sem ákveða að taka þátt í námskeiðinu greiða 16.000 kr. fyrir námskeiðið.
Meðferðin er ætluð einstaklingum 18 ára og eldri.
Þau sem vilja taka þátt byrja á að skrá sig í stuttan kynningartíma um HAM námskeiðin sem eru í boði hjá Heilsubrú.
Greitt er 500 kr. þátttökugjald fyrir kynningartímann.
Hafið samband á heilsubru@heilsugaeslan.is ef staðfestingarpóstur berst ekki og ef forföll verða.
