Meginsvið starfsemi Heilbrigðisskoðunar innflytjenda er að veita flóttamönnum, hælisleitendum og öðrum innflytjendum frá löndum utan Evrópska efnahagssvæðisins heilbrigðisskoðun eftir komuna til landsins.
Heilbrigðisskoðun innflytjenda er staðsett í Móttökumiðstöð umsækjenda um alþjóðlega vernd í Domus Medica ásamt lögreglu, útlendingastofnun og fleiri aðilum.
Heilbrigðisskoðun innflytjenda, áður Göngudeild sóttvarna, er flutt í Domus Medica, Egilsgötu 3, 101 Reykjavík.
Verið er að móta fyrirkomulag þjónustunnar og upplýsingar verða uppfærðar hér.
Ferðamannabólusetningar eru nú bara á heilsugæslustöðvum. Upplýsingamiðstöð sér um ráðgjöf varðandi ferðamannabólusetningar í netspjalli á heilsuvera.is.
Berklavarnir eru nú á Landspítala.
Heilbrigðisskoðun innflytjenda annast skoðun flóttamanna og hælisleitenda og annarra innflytjenda eftir komuna til landsins og gefur út heilbrigðisvottorð þeim til handa sem sækja um atvinnu- og dvalarleyfi á Íslandi.
Fyrir útgáfu vottorðs þarf að fara fram heilbrigðisskoðun í samræmi við ákvæði sóttvarnalaga nr. 19/1997 og reglugerðar nr. 131/1999. Heilbrigðisskoðunin, sem vottorðið byggir á, fer þannig fram:
Þeir sem fara í berklapróf þurfa að koma tvisvar. Aflestur á berklaprófi fer fram 2-3 sólarhringum eftir að próf er gert. Ef berklapróf er jákvætt er tekin lungnamynd til að útiloka virka berkla.
Ef niðurstöður HIV-, lifrarbólgu- og / eða sárasóttarprófa gefa tilefni til er sjúklingur boðaður aftur til viðtals og greidd leið til bestu úrræða á Landspítala háskólasjúkrahúsi.
Ef allar niðurstöður eru eðlilegar skrifar læknir heilbrigðisvottorð.
Gera má ráð fyrir að útgáfa vottorðs taki 1-2 vikur.
