Mikilvægi fyrstu tengsla

Barn verður til - og foreldrar líka!

Námskeið fyrir verðandi foreldra í boði Soroptimistaklúbbs Reykjavíkur, haldið á vegum Geðheilsumiðstöðvar barna - Fjölskylduteymi 0-5 ára

Fjölskylduteymi 0-5 ára býður verðandi foreldrum upp á tengslamiðað námskeið þar sem meðal annars er fjallað um:

Áhrif reynslu foreldra úr eigin uppeldi
Samskipti og tengslamyndun
Þroska barna, grát þeirra og svefn
Líðan foreldra í barneignaferli og parasamskipti

Allir verðandi foreldrar eru velkomnir með maka, vin eða öðrum stuðningsaðila.

Heppilegur tími til að hefja námskeið er eftir 25. viku. Mikilvægt er að skuldbinda sig til að mæta í alla tímana.

Umsjón með námskeiðinu hafa:

Fríður Guðmundsdóttir, sálfræðingur
Soffía Bæringsdóttir, fjölskyldufræðingur og doula

Nánari upplýsingar á namskeid.gmb@heilsugaeslan.is

Fyrirkomulag

Námskeiðið er tvö skipti og kennt er í tvær klukkustundir í senn.

Tími 1: Að eiga von á barni, barnið í móðurkviði og fyrstu vikurnar eftir fæðingu.

Tími 2: Tjáning barnsins, foreldrahlutverkið og parasamskipti.

Námsefni er bókin Fyrstu 1000 dagarnir sem þátttakendur fá að gjöf frá Soroptimistaklúbbi Reykjavíkur.

Næstu námskeið:

Staðnámskeið:

28.janúar kl.15-17 og 4.febrúar kl.15-17.
11. og 18.mars kl.15-17

Námskeiðið er haldið hjá Geðheilsumiðstöð barna, Vegmúla 3, 108 Reykjavík.

Fjarnámskeið:

Vor 2025 (dagsetningar verða settar inn um leið og þær liggja fyrir)

Fjarnámskeið er tvö skipti og kennt í tvær klukkustundir í senn. Fjarnámskeið eru haldin á rauntíma og eru ekki tekin upp. Þátttakendur fá sendan hlekk á Teams áður en námskeið hefst.

Skráning

Námskeiðið er þátttakendum að kostnaðarlausu.

Nauðsynlegt er að skrá báða aðila

Skráning á námskeiðið: Barn verður til fyrir foreldrapar