Námskeiðið er um undirbúning fyrir fæðinguna og fyrstu dagana eftir fæðingu. 

Markmið námskeiðs er að efla sjálfsöryggi og bjargráð verðandi foreldra í fæðingu og að styrkja verðandi foreldra í að verða virka þátttakendur í fæðingunni. Einnig að styrkja jákvætt hugarfar gagnvart fæðingunni og foreldrahlutverkinu.

Á námskeiðinu er fjallað um:

• hvernig hægt er að vita að fæðing sé að fara af stað og leiðir til  að takast á við aðdraganda fæðingar. 
  
• þætti sem geta haft jákvæð og neikvæð áhrif á fæðingarferlið. 
  
• ýmis ráð  til að auðvelda fæðingu og takast á við fæðingarhríðir. 
  
• inngrip í fæðingu og fæðingu með keisaraskurði.
  
• nýfædda barnið, fyrstu dagana eftir fæðingu, tengslamyndun og aðlögun að breyttu hlutverki. 
  

Námskeiðið hentar vel eftir 28 vikna meðgöngu.