Þjónusta við allra hæfi í móttöku
Móttakan á heilsugæslustöðinni þinni er opin frá kl. 8 til 16 og þar sinna hjúkrunarfræðingar fjölbreyttum erindum fólks á öllum aldri.
Mælst er til þess að fyrst sé haft samband í síma 1700 eða netspjalli Heilsuveru til að koma erindi strax í réttan farveg.
Móttakan er opin á dagvinnutíma og þar er tekið á móti bráðaerindum og veitt smáslysaþjónusta.
Öllum erindum sem koma í móttökuna er sinnt, annaðhvort með því að veita þjónustuna á staðnum eða vísa í þann farveg sem við á í hverju tilviki.
Hægt að bóka tíma í móttöku hjúkrunarfræðinga.
Í bókaðri móttöku er tekið á móti erindum sem eru ekki bráð s.s. sárameðferð, saumatökum, smáaðgerðum og lyfjagjöfum.
Einnig er boðið upp á lífsstíls- og sykursýkisráðgjöf.
Hjúkrunarfræðingar sinna einnig erindum sem flokkast undir heilsuvernd, forvarnir og lífsstíl.
Hjúkrunarfræðingur metur heilsu og þörf fyrir heilsueflingu í samráði við skjólstæðing.
Við leggjum áherslu á einstaklingsmiðaða nálgun, stuðning við breytingar og raunhæfa markmiðasetningu.
Teymisvinna er með öðrum starfsmönnum stöðvarinnar eftir þörfum.
Oft kemur heilsueflandi móttaka til aðstoðar í framhaldi af viðtali við lækni en þú getur líka haft samband við hjúkrunarfræðing á stöðinni þinni ef þú þarft á þessari þjónustu aða halda.
