„Við erum öll spennt að komast aftur í okkar húsnæði og hlökkum til að sinna skjólstæðingum í þeirra heimabyggð,“ segir Ásmundur Jónasson, svæðisstjóri Heilsugæslunnar Garðabæ.
Stöðin var flutt tímabundið í húsnæði í Þönglabakka 1 í Mjóddinni eftir brunann og starfaði þar í um tvo mánuði. Sálfræðingar stöðvarinnar verða áfram staðsettir í Þönglabakkanum eitthvað lengur þar sem aðstaða sem þeir hafa haft á Garðatorgi er ekki tilbúin.
Talsverðar umbætur hafa verið gerðar á húsnæðinu á Garðatorgi samhliða nauðsynlegum viðgerðum. Þá þurfi að endurnýja ýmis húsgögn, tölvur og annan búnað stöðvarinnar þar sem reykur barst um allt húsnæðið.